Democracy Drive : सांताक्लॉजची ४० ठिकाणी धडक, ‘स्वीप’अंतर्गत मतदानासाठी रंगतदार जनजागृती

 

नागपूर : ( Democracy Drive ) नागपूर महानगरपालिकेद्वारा सिस्टिमॅटिक व्होटर्स एज्युकेशन अॅण्ड इलेक्ट्रॉल पार्टिसिपेशन (स्वीप) या कार्यक्रमांतर्गत जिंगल बेल... जिंगल बेल... आली मतदानाची वेळ... असा नाद गुरुवार, २५ डिसेंबरला शहरातील ४० सार्वजनिक ठिकाणी घुमला होता. या निमित्ताने मतदान जनजागृती अभियान राबविण्यात आले. नाताळनिमित्त सांताक्लॉजच्या वेशातील युवकांनी १५ जानेवारीला मतदान करण्याचे आवाहन केले. महिला मतदान सक्षम लोकशाही, दिव्यांग मतदारांचा सन्मान लोकशाहीचा अभिमान असे मतदानाचे महत्त्व अधोरेखित करणारे जनजागृती फलक घेऊन सांताक्लॉजने ( Democracy Drive ) शहरातील ४० ठिकाणी मतदान नक्की करा अशी जनजागृती केली.

 

या अभियानाला ( Democracy Drive ) नागपूर महानगरपालिका मुख्यालय येथून सुरुवात झाली. प्रशासकीय इमारतीच्या दालनात मनपा आयुक्त तथा प्रशासक डॉ. अभिजित चौधरी यांच्या हस्ते स्वीप उपक्रमाचा प्रारंभ झाला. यावेळी अतिरिक्त आयुक्त वसुमना पंत, अतिरिक्त आयुक्त वैष्णवी बी., उपायुक्त डॉ. रंजना लाडे, उपायुक्त राजेश भगत, उपायुक्त मेघना वासनकर, कार्यकारी अभियंता अश्विनी येलचटवार, मुख्य स्वच्छता अधिकारी डॉ. गजेंद्र महल्ले, जनसंपर्क अधिकारी मनीष सोनी उपस्थित होते.

 

मनपा आयुक्त तथा प्रशासक डॉ. अभिजित चौधरी यांच्या मार्गदर्शनात ‘स्वीप’ मतदान साक्षरता कार्यक्रमाच्या माध्यमातून मनपाच्या ( Democracy Drive ) लक्ष्मीनगर झोन मधील प्रतापनगर चौक, लक्ष्मीनगर चौक, कामगार कॉलनी, व्हीएनआयटी चौक धरमपेठमध्ये गोकुळपेठ मार्केट, हजारीपहाड, धरमपेठ गार्डन, फुटाळा तलाव, हनुमाननगर झोनमध्ये मानेवाडा चौक, सक्करदरा चौक, तुकडोजी चौक, छोटा ताजबाग, धंतोलीमध्ये त्रिशरण चौक, घाट रोड, मेडिकल चौक, शताब्दी चौक, नेहरूनगरमध्ये मोठा ताजबाग, तिरंगा चौक, भांडे प्लॉट चौक, नंदनवन, गांधीबागमध्ये महाल, बडकस चौक, झेंडा चौक, गांधीबाग गार्डन, सतरंजीपुरा झोनमध्ये शांतीनगर शाळा, झाडे चौक, कांजी हाऊस चौक, राणी दुर्गावती चौक, लकडगंजमध्ये पारडी, पूनापूर, भांडेवाडी रेल्वे स्टेशन, जय भीम चौक, आशीनगरमध्ये कमाल चौक, आंबेडकर गार्डन, यशोधरानगर चौक, टेका आणि मंगळवारीमध्ये गड्डीगोदाम, झिंगाबाई टाकळी, गिट्टीखदान चौक, गांधी चौक येथे जनजागृती करण्यात आली.

 

 

मतदान जनजागृतीसाठी महानगरपालिकेच्या मुख्यालयात आकर्षक रोषणाई करून मतदार जागृती ख्रिसमस ट्री उभारली होती. तसेच, सेल्फी पॉईंट तयार केला होता. या ठिकाणी मतदानासाठी जागृती करणाऱ्या घोषणा करणारे फलक लावलेले होते. शहरातील मनपाच्या दहाही झोनमध्ये गर्दीच्या ठिकाणी सांताक्लॉजच्या पेहरावातील युवकांनी मतदारांमध्ये जनजागृती केली.

 

महानगरपालिकेच्या मुख्यालयात घोड्याच्या बग्गीत सांताक्लॉज बसलेले होते. त्यांच्याकडे मतदानाला प्रोत्साहन देणारे घोषणांचे फलक होते. कर मतदान, सांगतंय संविधान, महिला मतदान सक्षम लोकशाही अशा घोषणा लिहिलेले फलक लावले होते. प्रत्येक झोनमध्ये चर्च तसेच गर्दीच्या ठिकाणी सांताक्लॉजने मतदान करण्यासाठी जनजागृती केली. सर्वांकडे मतदानाबद्दल जागृती करणारे घोषणा फलक होते. यावेळी लहान मुलांना सांताक्लॉजने चॉकलेटसुद्धा दिले. या अभिनव उपक्रमाला मतदारांना चांगला प्रतिसाद दिला.