Bawankule Vs Wadettiwar : वडेट्टीवारांची मानसिकता देशविरोधी असे का म्हणाले चंद्रशेखर बावनकुळे ?

 

( Bawankule Vs Wadettiwar ) विजय वडेट्टीवार यांचं वक्तव्य म्हणजे असंवेदनशीलतेचा आणि देशविरोधी मानसिकतेचा कळस आहे, असे वक्तव्य भाजपचे प्रदेशाध्यक्ष चंद्रशेखर बावनकुळे यांची विजय वडेट्टीवार यांनी केले. दहशतवाद्यांना पांघरूण घालणाऱ्यांचा हा प्रयत्न अतिशय अयोग्य आहे. देशभक्त जनतेच्या जखमांवर मीठ चोळणं थांबवा, अशी घणाघाती टीका चंद्रशेखर बावनकुळे यांनी केली आहे. काँग्रेस एकीकडे देश भक्तीचा कांगावा करते आणि दुसरीकडे दहशतवादी विचारांचं समर्थन करते, हा दुटप्पीपणा करणे थांबवा, असा मोलाचा सल्ला चंद्रशेखर बावनकुळे ( Bawankule Vs Wadettiwar ) यांची दिला आहे.

 

 

विजय वडेट्टीवार यांचं वक्तव्य म्हणजे असंवेदनशीलतेचा कळस आहे.

 

काश्मीरमध्ये हिंदूंना टार्गेट केलं जातं हे वेळोवेळी सिद्ध झालं आहे. मग काँग्रेस नेते विजय वडेट्टीवार कोणत्या जगात वावरत आहेत “दहशतवाद्याला जात-धर्म नसतो” असं म्हणून वडेट्टीवार कोणाला खुश करू पाहत आहेत? काँग्रेस नेते दहशतवाद्यांना “निर्दोष” ठरवण्याचा प्रयत्न करताहेत का ?

 

विजय वडेट्टीवार यांच्या वक्तव्यामुळे दहशतवाद्यांचा चेहरा झाकण्याचा, त्यांना संरक्षण देण्याचा किळसवाणा प्रयत्न दिसतो. हा केवळ बेजबाबदारपणा नाही, तर देशविरोधी मानसिकतेचं उदाहरण आहे.

 

देशावर प्रेम करणाऱ्या प्रत्येक भारतीयानं वडेट्टीवार यांच्या वक्तव्याचा तीव्र निषेध करायला हवा. काँग्रेसचे नेते भारतीयांच्या भावनांशी खेळत आहेत, जखमांवर मीठ चोळत राजकारण करत आहेत, जनता हे विसरणार नाही .