Storm Alert Maharashtra : राज्यात पावसाची जोरदार एंट्री ! 4 दिवसांचा रेड अलर्ट

 

पुणे : ( Storm Alert Maharashtra ) देशातील अनेक राज्यांमध्ये हवामानाचा मूड पुन्हा एकदा बदलला आहे. दिल्लीसह संपूर्ण उत्तर भारतात वादळ आणि पावसासह तीव्र उष्णता आहे. राज्यात अवकाळी पावसाचा कहर सुरूच आहे. हवामान खात्यानुसार, पुढील काही दिवसांत कोकण, पुणे, मराठवाडा आणि विदर्भात मुसळधार पाऊस पडण्याची शक्यता आहे. सध्याचे हवामान पावसासाठी अनुकूल आहे, त्यामुळे राज्याच्या अनेक भागात पाऊस पडत आहे. कर्नाटक किनाऱ्याजवळ अरबी समुद्रात चक्राकार वारे तयार होत असल्याची माहिती मुंबई प्रादेशिक हवामान विभागाने दिली आहे. पुढील 3-4 दिवस कोकण आणि मध्य महाराष्ट्रात जोरदार वाऱ्यांसह मुसळधार पाऊस पडण्याची शक्यता आहे. राज्यात सध्या होत असलेला पाऊस हा मान्सूनची सुरुवात मानता येणार नाही. हा मान्सूनपूर्व उन्हाळी पाऊस आहे, जो काही दिवस बरसू ( Storm Alert Maharashtra ) शकतो.

 

मच्छिमारांना समुद्रात न जाण्याचा सल्ला - अरबी समुद्रात वाऱ्याचा वेग ताशी 35 ते 55 किमीपर्यंत असू शकतो. त्यामुळे रविवारपर्यंत किनारी भागात आणि समुद्रात जोरदार वारे वाहण्याची शक्यता ( Storm Alert Maharashtra ) आहे. हवामान खात्याने मच्छिमारांना समुद्रात न जाण्याचा सल्ला दिला आहे. मंगळवारी रात्री मुंबईत झालेल्या मुसळधार पावसामुळे जनजीवन विस्कळीत झाले. ठिकठिकाणी पाणी साचल्याने वाहतुकीवर परिणाम होत आहे. तर, पवईमध्ये झाड पडल्याने दोन जण जखमी झाले.

 

रत्नागिरी, सिंधुदुर्ग, धुळे, नाशिक, अहमदनगर, पुणे, सातारा, सोलापूर, छत्रपती संभाजीनगर, परभणी, लातूर आणि धाराशिवमध्ये मुसळधार पाऊस आणि वादळी वाऱ्याचा इशारा देण्यात आला आहे. मुंबई, ठाणे, पालघर, अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, यवतमाळ आणि वाशीममध्ये यलो अलर्ट देण्यात आला आहे.