Iran Travel Alert : भारताचा इराणला रेड अलर्ट ! प्रवास टाळण्याचा इशारा का दिला ?

 

तेहरान : ( Iran Travel Alert ) भारत सरकारने भारतीय नागरिकांना इराणमध्ये वाढत्या असुरक्षिततेच्या पार्श्वभूमीवर आवश्यकता नसतांना प्रवास टाळण्याचा इशारा दिला आहे. इराणमधील राजकीय तणाव आणि अस्थिर परिस्थिती लक्षात घेता, हा इशारा खूपच महत्त्वपूर्ण ठरत आहे. भारतीय दूतावासाने इराणला जाण्याचा विचार करणाऱ्या नागरिकांना प्रादेशिक परिस्थितीवर लक्ष ठेवण्याचा तसेच भारत सरकारने वेळोवेळी जारी केलेल्या अद्ययावत सूचनांचे पालन करण्यास सांगितले आहे. एका अधिकृत सल्लागारानुसार, गेल्या काही आठवड्यात घडलेल्या सुरक्षा घटना लक्षात घेता, भारतीय नागरिकांना इराणला अनावश्यक प्रवास करण्यापूर्वी सध्याच्या परिस्थितीचा गांभीर्याने विचार करण्याचा सल्ला ( Iran Travel Alert ) देण्यात आला आहे.

 

जे भारतीय नागरिक सध्या इराणमध्ये आहेत आणि तेथून बाहेर पडू इच्छितात, ते सध्या उपलब्ध असलेल्या व्यावसायिक उड्डाणे आणि फेरी सेवा वापरू शकतात, असे भारतीय दूतावासाचे म्हणणे आहे. इराण आणि इस्रायलमधील अलिकडच्या संघर्षानंतरच्या परिस्थिती लक्षात घेऊन ही सूचना जारी करण्यात आली आहे. गेल्या महिन्यात इस्रायलने सुरू केलेल्या 'ऑपरेशन रायझिंग लायन'ला प्रतिसाद म्हणून इराणने इस्रायल आणि कतारमधील अमेरिकन लष्करी तळावर प्रत्युत्तरात्मक हवाई हल्ले केले.