Nagpur Municipal : ४ वर्षांचा वनवास संपणार; नागपूर महानगरपालिकेत असे होणार बदल

 

 

 नागपूर : ( Nagpur Municipal ) चार वर्षापूर्वी कार्यकाळ संपलेल्या व वनवासात गेलेल्या मनपाच्या जुन्या इमारतीत पुन्हा वर्दळ वाढणार आहे. २०१६ च्या महापालिकेच्या सार्वत्रिक निवडणुका आटोपल्यानंतर सत्तेत परतलेल्या भाजपचे नवे महापौर, उपमहापौर, स्थायी समिती सभापती, विरोधी पक्षनेते, गटनेते व विविध समिती सभापतींची दालने तयार होत आहे. प्रशासनाने या इमारतीतील प्रमुख पदाधिकाऱ्यांच्या दालनांच्या डागडुजीचे काम युद्धपातळीवर हाती घेतले.

 

 

उपराजधानीत लोकशाहीचा एक महत्त्वाचा दरवाजा पुन्हा उघडणार आहे. नागपूर महानगरपालिका ( Nagpur Municipal ) निवडणुकीच्या निकालानंतर, जवळजवळ ४ वर्षांच्या कालावधीनंतर शहराला नवीन महापौर मिळणार आहे. त्यामुळे कार्पेटपासून खुर्च्यांपर्यंत सर्वकाही बदलण्याची तयारी जोरात सुरू आहे. गेल्या ४ वर्षांपासून प्रशासक राजवटीत, शहराचे निर्णय अधिकाऱ्यांच्या कार्यालयांपुरते मर्यादित होते. आता पुन्हा महापौर कक्ष केंद्रबिंदू ठरेल.

 

 

निवडणुकांना झालेल्या विलंबामुळे, महानगरपालिका ( Nagpur Municipal ) आयुक्त स्वतः प्रशासक म्हणून काम करीत होते. महानगरपालिकेच्या इतिहासात कदाचित पहिल्यांदाच प्रशासक राजवट इतक्या दीर्घकाळ राहिली. परिणामी, जनतेला त्यांचा नगरसेवक निवडता आला नाही. महापौर दालन लवकरच शहराच्या विकास धोरणांचा केंद्रबिंदू असेल. या कार्यालयात पुन्हा एकदा धोरणे निश्चित केली जातील.

 

 

महापौर खुर्चीवर बसल्यानंतर नागरिकांना त्यांचा आवाज मिळेल. आगामी अर्थसंकल्प आणि विकास प्रकल्पांना आता प्रशासकाऐवजी निवडून आलेल्या सभेकडून मंजुरी दिली जाईल. ४ वर्षांची प्रतीक्षा आता विकासाच्या नव्या गतीने संपेल. नवीन महापौरांना अनेक आव्हानांचा सामना करावा लागेल, ज्यामध्ये रखडलेले प्रकल्प पूर्ण करणे, शहराच्या पायाभूत सुविधा आणि स्वच्छ भारत सर्वेक्षणात ( Nagpur Municipal ) नागपूरचे स्थान सुधारण्याचे प्राधान्य यांचा समावेश आहे.

 

उपमहापौरांच्या ( Nagpur Municipal ) दालनासह इतर कक्षांचेही नूतनीकरण केले जात आहे. महापौर कार्यालयाचे नूतनीकरण सुरू असताना, उपमहापौर, स्थायी समिती सभापती, विरोधी पक्षनेते आणि विविध समिती सभापतींच्या दालनांचेही नूतनीकरण केले जात आहे. महापौरपदाच्या आरक्षणाची सोडत निघाल्याने, कंत्राटदारांनाही विक्रमी वेळेत काम पूर्ण करण्याचे निर्देश देण्यात आले.